ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ឯកឧត្តមបណ្ឌិត ម៉េង ប៊ុនណារិទ្ធិ អគ្គលេខាធិការរង នៃគណៈកម្មាធិការរៀបចំដែនដី និងនគរូបនីយកម្មថ្នាក់ជាតិបានអញ្ជើញជាអធិបតីភាព ក្នុងសិក្ខាសាលាពិគ្រោះយោបល់បញ្ចប់ស្ដីពីការកសាងផែនការរៀបចំដែនដីខេត្តបន្ទាយមានជ័យនិងប្លង់គោលប្រើប្រាស់ដីក្រុងសិរីសោភ័ណ ដោយមានការអញ្ជើញចូលរួមពីលោក លោកស្រីអភិបាល.អភិបាលរងខេត្ត ស្រុក ក្រុង និងមន្ទីរអង្គភាពជុំវិញខេត្ត នាព្រឹកថ្ងៃសុក្រ ទី៣ ខែធ្នូ ឆ្នាំ២០២១ ធ្វើនៅសាលប្រជុំសាលាខេត្តបន្ទាយមានជ័យ។
អង្គសិក្ខាសាលាបានដំណើរការមួយថ្ងៃពេញ ដើម្បីពិភាក្សា រកចំណុចធាតុចូលបន្ថែមទៀត ដើម្បីធ្វើយ៉ាងណាឲ្យការកសាងផែនការរៀបចំដែនដីខេត្តបន្ទាយមានជ័យនិងប្លង់គោលប្រើប្រាស់ដីក្រុងស្រីសោភ័ណ ក្លាយទៅជាត្រីវិស័យ និងជាផែនទីជាក់លាក់បង្ហាញ ដើម្បីរៀបចំដំណើរការកសាង អភិវឌ្ឍន៍ខេត្ត ក្រុងឲ្យកាន់តែមានសក្តានុពល និងឆាប់រហ័សឡើង។
គួរបញ្ជាក់ថា ក្រោយវគ្គសិក្ខាសាលាចុងក្រោយនេះចប់ ការកសាងផែនការរៀបចំដែនដីខេត្តបន្ទាយមានជ័យនិងប្លង់គោលប្រើប្រាស់ដីក្រុងស្រីសោភ័ណ នឹងដាក់ឲ្យដំណើរនាពេលឆាប់ខាងមុខផងដែរ៕
ប្រភព៖ រដ្ឋបាលខេត្តបន្ទាយមានជ័យ