(រាជធានីភ្នំពេញ)៖នៅព្រឹកថ្ងៃទី២៩ ខែមីនា ឆ្នាំ២០២១ ឯកឧត្តមអម សុភា អភិបាលរងខេត្ត និងជាប្រធានលេខាធិការដ្ឋានគ្រប់គ្រងគ្រោះមហន្តរាយខេត្តកំពង់ឆ្នាំង(គ.គ.ម.ខ) រួមជាមួយលោកលៀង ជុំសុបិន្ត នាយករងរដ្ឋបាលសាលាខេត្ត និងជាអនុប្រធានអចិន្ត្រៃយ៍លេខាធិការដ្ឋានគ.គ.ម.ខ និងលោកប៊ុន សម្បត្តិ អនុប្រធានអង្គភាពច្រកចេញចូលតែមួយ និងជាសមាជិកលេខាធិការដ្ឋានគ.គ.ម.ខ បានចូលរួមសិក្ខាសាលា បូកសរុបលទ្ធផលការងារគ្រប់គ្រងគ្រោះមហន្តរាយ ឆ្នាំ២០២១ និងទិសដៅបន្តឆ្នាំ២០២២ នៅសណ្ឋាគារសុខាភ្នំពេញ។សិក្ខាសាលានេះបានធ្វើឡើងក្រោមអធិបតីភាព ឯកឧត្តម នាយឧត្តមសេនីយ៍ ទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ជាតំណាងដ៏ខ្ពស់ខ្ពស់របស់ សម្តេចតេជោ ហ៊ុន សែន នាយករដ្ឋមន្ត្រីកម្ពុជា, ឯកឧត្តម នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកងយោធពលខេមរភូមិន្ទ និងជាប្រធានលេខាធិការដ្ឋាន គ្រប់គ្រងគ្រោះមហន្តរាយក្រសួងការពារជាតិ និងលោកស្រី ឃ្លែ កូណាន់ នាយិកាប្រចាំប្រទេសអង្គការសហប្រជាជាតិកម្មវិធីស្បៀងអាហារពិភពលោកប្រចាំកម្ពុជា, តំណាងលេខាធិការដ្ឋានគ្រប់គ្រងគ្រោះមហន្តរាយតាមក្រសួង-ស្ថាប័ន លេខាធិការដ្ឋានគ្រប់គ្រងគ្រោះមហន្តរាយគ្រប់រាជធានី ខេត្ត កាកបាទក្រហមកម្ពុជា កងកម្លាំងទាំង៣ប្រទេស និងអង្គការដៃគូ។ក្នុងឱកាសនោះ លោកលៀង ជុំសុបិន្ត នាយរងរដ្ឋបាលសាលាខេត្ត បានធ្វើបទបង្ហាញដោយសង្ខេបស្ដីពីលទ្ធផលការងារគ្រប់គ្រងគ្រោះមហន្តរាយឆ្នាំ២០២១, ចែករំលែកបទពិសោធន៍បច្ចេកទេស និងការប្រមូលទិន្នន័យគ្រោះមហន្តរាយក្នុងប្រព័ន្ធPRISM និងបញ្ហាប្រឈមមួយចំនួន។ថ្លែងក្នុងពិធីបិទសិក្ខាសាលា ឯកឧត្តម នាយឧត្តមសេនីយ៍ គន់ គីម បានផ្ដល់អនុសាសន៍ដូចខាងក្រោម១.បន្តពង្រឹងប្រព័ន្ធបញ្ជូនព័ត៌មានទាន់ហេតុការណ៍(PRISM)ពីថ្នាក់មូលដ្ឋានរហូតដល់ថ្នាក់ជាតិ បើមានការដោះដូរមន្ត្រី ត្រូវធ្វើយ៉ាងណាធានាឱ្យមានការផ្ទេរចំណេះដឹងបន្ត ឬបន្តធ្វើកិច្ចការងារនេះរហូតដល់មន្ត្រីថ្មីអាចធ្វើជំនួសបាន។២.បន្តជម្រុញការចុះឈ្មោះប្រើប្រាស់ប្រព័ន្ធប្រកាសឱ្យដឹងមុន១២៩៤តាមទូរស័ព្ទដៃ ឱ្យបានច្រើន តាមរយៈសកម្មភាពអប់រំផ្សព្វផ្សាយជាសាធារណៈ អំពីអត្ថប្រយោជន៍ និងរបៀបចុចភ្ជាប់ប្រព័ន្ធនេះ។៣.រដ្ឋបាលរាជធានីខេត្ត ត្រូវយកចិត្តទុកដាក់បំពាក់ឧបករណ៍ព័ត៌មានវិទ្យាដល់មន្ត្រីបង្គោលនៃក្រុមលេខាធិការគណៈកម្មាធិការគ្រប់គ្រងគ្រោះមហន្តរាយរាជធានីខេត្ត៕ប្រភព៖ រដ្ឋបាលខេត្តកំពង់ឆ្នាំង
ព័ត៌មានគួរចាប់អារម្មណ៍
ឯកឧត្តមគង់ សោភ័ណ្ឌ អភិបាលខេត្តកណ្តាលបានអញ្ជើញចូលរួម ពិធីប្រកាសជាផ្លូវការដាក់ឱ្យអនុវត្តផែនការមេអភិវឌ្ឍន៍ទេសចរណ៍ខេត្តសៀមរាប ឆ្នាំ២០២១-២០៣៥ ()
រសៀលថ្ងៃច័ន្ទ ៥កើត ខែអស្សុជ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១១ ខែតុលា ឆ្នាំ២០២១ លោកស្រី ហៀក ហ៊ីមុល្លី អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បាននាំយកអំណោយឧបត្ថម្ភជូន ប្អូនប្រុសដែលត្រូវពស់ចឹក និងដុះដុំសាច់ក្នុងពោះ កំពុងសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ។ (រដ្ឋបាលខេត្តព្រះសីហនុ)
ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ បានអញ្ជើញដឹកនាំកិច្ចប្រជុំតាមរយៈប្រព័ន្ធវិដេអូ Zoom Meeting ()
អភិបាលខេត្តស្ទឹងត្រែង ដឹកនាំកិច្ចប្រជុំត្រួតពិនិត្យវឌ្ឍន ភាពការងាររដ្ឋបាលខេត្ត ប្រចំាខែមីនា និងត្រីមាសទី១ ឆ្នាំ២០២០ និងលើកទិសដៅការងារបន្ត (វីរៈបុរសជាតិ)
វីដែអូ